Rroga neto është ajo që merrni në dorë: rroga bruto pa sigurimet (në bisedë, «siguracioni») dhe pa tatimin mbi të ardhurat. Tabela më poshtë është llogaritur me të njëjtat rregulla si makina llogaritëse e faqes, sipas Ligjit 29/2023 dhe rrogës minimale 50.000 lekë.
Tabela: rroga bruto dhe rroga neto 2026
| Rroga bruto | Sigurimet | Tatimi | Rroga neto |
|---|---|---|---|
| 50.000 | 5.600 | 0 | 44.400 |
| 55.000 | 6.160 | 2.600 | 46.240 |
| 60.000 | 6.720 | 3.250 | 50.030 |
| 65.000 | 7.280 | 4.550 | 53.170 |
| 70.000 | 7.840 | 5.200 | 56.960 |
| 80.000 | 8.960 | 6.500 | 64.540 |
| 90.000 | 10.080 | 7.800 | 72.120 |
| 100.000 | 11.200 | 9.100 | 79.700 |
| 120.000 | 13.440 | 11.700 | 94.860 |
| 150.000 | 16.800 | 15.600 | 117.600 |
| 200.000 | 21.110 | 22.100 | 156.790 |
| 250.000 | 21.960 | 33.600 | 194.440 |
| 300.000 | 22.810 | 45.100 | 232.090 |
Shifrat janë në lekë, në muaj, për një punëdhënës.
Rroga pas sigurimeve
Nga rroga bruto mbahen së pari sigurimet: 9,5% shoqërore dhe 1,7% shëndetësore, gjithsej 11,2%. Për shembull, me 80.000 lekë bruto mbahen 8.960 lekë sigurime, dhe rroga pas sigurimeve është 71.040 lekë.
Rroga pas taksave
Pastaj mbahet tatimi mbi të ardhurat. Deri në 50.000 lekë nuk ka tatim. Mbi këtë shumë, tatimi është 13% (dhe 23% mbi 200.000 lekë), por llogaritet mbi rrogën bruto, jo mbi rrogën pas sigurimeve. Me 80.000 lekë: tatimi 6.500 lekë, dhe rroga neto 64.540 lekë.
Kujdes me pragjet: një rritje e vogël mbi 50.000 ose 60.000 lekë mund ta ulë rrogën neto. Shpjegimin e gjeni te pse rroga neto bie mbi 50.000 lekë.
Pyetje të shpeshta
Sa është rroga neto me 60.000 lekë bruto?
Me 60.000 lekë bruto në muaj, rroga neto në 2026 është 50.030 lekë: 6.720 lekë sigurime dhe 3.250 lekë tatim.
Sa është rroga neto me 100.000 lekë bruto?
Me 100.000 lekë bruto, rroga neto është 79.700 lekë në muaj.
Sa merr në dorë me rrogën minimale?
Rroga minimale në 2026 është 50.000 lekë bruto. Nuk paguhet tatim, mbahen vetëm sigurimet, kështu që në dorë mbeten 44.400 lekë.
Sa mbahet për sigurimet (siguracionin)?
Punëmarrësi paguan 9,5% sigurime shoqërore dhe 1,7% sigurime shëndetësore, gjithsej 11,2% e rrogës bruto. Sigurimet shoqërore llogariten deri në rrogën maksimale prej 186.416 lekësh.
Rroga në kontratë është bruto apo neto?
Zakonisht në kontratë shkruhet rroga bruto. Rroga neto është ajo që hyn në llogari pas sigurimeve dhe tatimit.